श्रीमतीको हत्या गरी फरार रहेका व्यक्ति ७ वर्षपछि पक्राउ

कपिलवस्तु– श्रीमतीको हत्या गरी फरार रहेका एक व्यक्ति ७ वर्षपछि पक्राउ परेका छन्। भारत सिद्धार्थनगर तहसिल नौगढ ग्राम धन्सा बस्ने ३० वर्षीय मुलायम चमार भन्ने सिकन्दर चमारलाई प्रहरीले पक्राउ गरेको छ ।

सिकन्दरले आफ्नै श्रीमती २१ वर्षीया किसलावती चमारलाई लिएर कपिलवस्तु कृष्णनगर नगरपालिका–६ श्रीनगरस्थित ससुराली आएको अवस्थामा २०७१ फागुन ३० गते हत्या गरेका थिए । श्रीनगरस्थित खेतमा लगेर श्रीमतीको हत्या गरी आगोसमेत लगाई उनी फरार भएका हुन् । 

---

सिकन्दरलाई नेपाल आउँदै गरेको भन्ने गोप्य सूचनाको आधारमा जिल्ला प्रहरी कार्यालय कपिलवस्तुबाट खटिएको प्रहरीले कपिलवस्तु यशोधरा गाउँपालिका–६ रंगपुरमा फेला पारी पक्राउ गरेको हो । 

उनी उपर कर्तव्य ज्यान मुद्दामा आवश्यक अनुसन्धान भईरहेको जिल्ला प्रहरी कार्यालय कपिलवस्तुले जनाएको छ ।