छुरा प्रहार गरेर मियाको हत्या गर्ने शर्मा पक्राउ

काठमाडौँ  : भारत मोतिहारी घर भएका कलाम मियाको छुरा प्रहार गरी हत्या गरेको अभियोगमा काठमाडौँ प्रहरीले एक जनालाई पक्राउ गरेको छ । प्रहरीले सोही ठाउँका २५ वर्षीय सुबोध शर्मालाई प्रहरीले पक्राउ गरेको हो । 

काठमाडौँ महानगरपालिका-१६ बाइपास ओरालोस्थित सडकमा मंगलबार शर्माको छुरा प्रहारबाट गम्भीर घाइते भएका कलामको शिक्षण अस्पताल महाराजगञ्‍जमा उपचारका क्रममा मृत्यु भएको हो । 

---

घटनापछि फरार रहेका शर्मालाई काठमाडौँ फर्पिङस्थित सुरक्षा चौकीबाट बुधबार पक्राउ गरिएको महानगरीय प्रहरी परिसरका प्रवक्ता प्रमेश विष्टले जानकारी दिए । उनका अनुसार ना १ ज ७५६२ नंम्बरको सुमो गाडीमा उपत्यकाबाट भाग्‍ने क्रममा फेला पारी प्रहरीले पक्राउ गरेको हो ।