कैलालीमा माेबाइल चोरी गर्दै प्रहरी !

कैलाली - लागुऔषधको कारोबार भैरहरेको सूचनाको आधारमा पुगेको प्रहरीले कैलालीको धनगढीस्थित एक मोबाइल ग्यालरीबाट मोबाइल चोर्दै गरेको भिडियो सार्वजनिक भएको छ।

धनगढीको ट्राफिक चोकमा रहेको ग्लोबल मोबाइल ग्यालरीमा एक प्रहरीले मोबाइल चोरी गर्दै गरेको भिडियो सीसी क्यामेरामा कैद भएको छ । 

---

पसल सञ्चालक सुवास रावलले मोबाइलको खाली डब्बा देखेपछि सिसि टिभी क्यामेरा हेर्दा प्रहरीले नै मोबाइल चोर्दै गरेको देखेपछि चोरीमा संलग्न प्रहरीलाई कारबाहीको माग गर्दै प्रहरीमा नै निवेदन दिएको बताए। 

जिल्ला प्रहरी कार्यालय कैलालीका प्रहरी उपरीक्षक विश्व अधिकारीले भिडियो सहित नै निवेदन आएपछि सोबारे छानबिन भइरहेको बताए। उनले घटना संलग्न प्रहरी हवल्दार होम बहादुर माल र प्रहरी जवान भरत सिंह बुडाललाई नियन्त्रणमा लिई चोरी मुद्दामा अनुसंधान भैरहेको बताए । उनले निजहरुबाट मोबाइल समेत बरामद गरिएको जानकारी दिए । 

बिहीबार प्रहरीले ग्यालरीबाट लागुऔषध खैरो हेरोइन सहित ३ जनालाई पक्राउ गरेको थियो।