श्रीमतीको हत्या अभियोगमा पक्राउ

सुनसरी - श्रीमतीको हत्या आरोपमा एक जना पक्राउ परेका छन् । प्रहरीले श्रीमतीको हत्या आरोपमा सुनसरीस्थित भोक्राहा नरसिंह गाउँपालिका–१ उराउ टोलका लालुप्रसाद उराउलाई पक्राउ गरेको हो ।

उनीमाथि ३० वर्षीया श्रीमती चन्द्रकला उराउको हत्या गरेको आरोप छ । धारिलो हतियार तरवार प्रहार गरी हत्या गरेको अभियोगमा उनलाई पक्राउ गरिएको प्रहरीले जनाएको छ ।

---

उनले प्रहार गरेको तरबारले चन्द्रकलाको घटनास्थलमै मृत्यु भएको थियो । लालप्रसादलाई प्रहरी चौकी भोक्राहा, ईलाका प्रहरी कार्यालय लौकही र जिल्ला प्रहरी कार्यालय सुनसरीबाट खटिएको प्रहरीले उनलाई पक्राउ गरेको हो ।

घटनाबारे प्रहरीले थप अनुसन्धान गरिरहेको छ ।