चोरीपैठारीको लत्ताकपडा बरामद

झापा - झापाको मेचीनगर नगरपालिका ६ स्थित सीमा ईलाकाबाट चोरीपैठारीका लत्ताकपडा बरामद गरिएको छ । आज सशस्त्र प्रहरीले करिब २ लाख ६ हजार रुपैयाँ बराबरको चोरीपैठारीको लत्ताकपडा बरामद गरेको हो ।

भारतबाट अवैध रुपले बा १५ च २७८४ नम्बरको कारमा राखेर नेपालतर्फ ल्याउँदै गरेको उक्त लत्ताकपडा सशस्त्र प्रहरी बल नेपाल नम्बर २ गण झापाबाट खटिएको सशस्त्र प्रहरीले बरामद गरेको हो । कारसमेत नियन्त्रण गरिएको छ । बरामद लत्ताकपडा तथा कार मेची भन्सार कार्यालयमा बुझाईएको छ ।
 

---