किशोरीलाई जबरजस्ती बलात्कार गरेको आरोपमा युवा प्रहरी फन्दामा

भोजपुर -  किशोरीलाई जबरजस्ती बलात्कार गरेको आरोपमा २७ वर्षीय पुरुष पक्राउ परेका छन् । 

१६ वर्षीया किशोरीलाई जबरजस्ती बलात्कार गरेको आरोपमा राम प्रसाद राई गाउँपालिका-३ ओख्रे बस्ने २७ वर्षीय पदम दर्जीलाई आइतबार साँझ प्रहरीले पक्राउ गरेको छ । 

---

पदमले ती किशोरीलाई भोजपुर नगरपालिका-७ नयाँ बसपार्कस्थित होटेलमा शुक्रबार बेलुकी जबरजस्ती करणी गरेको आरोप छ । 

जिल्ला प्रहरी कार्यालय भोजपुरबाट खटिएको प्रहरीले उनलाई सोही होटलबाट पक्राउ गरेको हो ।   

यस सम्बन्धमा प्रहरीले थप अनुसन्धान गरिरहेको छ ।