जबरजस्ती करणी अभियोगमा पक्राउ

भोजपुर– भोजपुरमा एक १६ वर्षीया किशोरीलाई जबरजस्ती करणी गरेको अभियोगमा एक पक्राउ परेका छन् । रामप्रसाद राई गाउँपालिका–३ ओख्रे बस्ने २७ वर्षीय पदम दर्जीलाई प्रहरीले पक्राउ गरेको छ । 

पदमले ती किशोरीलाई भोजपुर नगरपालिका–७ नयाँ बसपार्कस्थित होटेलमा शुक्रबार बेलुकी जबरजस्ती करणी गरेको भन्ने खबर प्राप्त हुनासाथ जिल्ला प्रहरी कार्यालय भोजपुरबाट खटिएको प्रहरीले उनलाई पक्राउ गरेको हो ।   

---

यस सम्बन्धमा प्रहरीले थप अनुसन्धान गरिरहेको छ ।