भन्सार छली ल्याइएको सामग्री बरामद

कञ्चनपुर–भारतबाट अवैध रुपमा भन्सार छली गरी नेपाल ल्याएका विभिन्न सामग्री बरामद गरिएको छ। जिल्ला प्रहरी कार्यालय कञ्चनपुरको टोलीले भारतबाट चोरी पैठारी गरी ल्याइको सामान बरामद गरेको हो ।

प्रहरीकाअनुसार विभिन्न किसिमका कपडा र चप्पल बरामद गरिएको छ। ‘करिब तीन लाख दश हजार चार सय रुपैयाँ बराबरका सामग्री फेला परेको छ’ कञ्चनपुरका सूचना अधिकारी एवं डिएसपी चक्रबहादुर शाहले भने ।

---

सो सामग्री बेबारिसे अवस्थामा बरामद भएको प्रहरीले जनाएको छ। सो सामानलाई कानुन बमोजिम बरामद गरी आवश्यक कारवाहीका लागि गड्डाचौकी भन्सार कार्यालय कञ्चनपुर पठाईएको प्रहरीको भनाइ छ।