ललितपुरमा करिब एक महिनादेखि गाडिएको शव फेला

काठमाडौं । ललितपुरका खाल्डो खनेर गाडिको अवस्थामा एक जनाको शव भेटिएको छ। ललितपुरको गोदावरी नगरपालिका–१२, धापाखेलमा शव भेटिएको हो ।
सो शव तेह्रथुमका मोहन लिम्बुको भएको प्रहरीको भनाइ छ । उक्त शव करिब एक महिनाअघि गाडिएको हुनसक्ने अनुमान प्रहरीले गरेको छ। ।

सो शव मोरङको उखुबारीमा हालै भेटिएकोृ दुई शवसँगको घटनासँग सम्बन्धित भएको प्रहरीको प्रारम्भिक निष्कर्ष रहेको छ। मोरङ घटनाबारे अनुसन्धान गरिरहेको प्रहरीले ललितपुरमा पनि शव रहेको सूचना पाएको थियो । सोअनुसार बुझ्दै जाँदा ललितपुरमा शव फेला परेको महानगरीय अपराध शखाका सूचना अधिकारी एसपी कृष्णप्रसाद कोइरालाले जानकारी दिए।

---

शव एक किन्डरगार्डेन नजिकै फेला परेको उनले बताए। त्यहाँ भाडामा बस्नेहरू अहिले कोही नभेटएको प्रहरीको भनाइ छ। 

गत हप्ता मोरङको एक उखुबारीमा खाल्डोमा गाडिएको अवस्थामा दुई जनाको शव भेटिएको थियो ।