घाँस काट्न गएकी महिलाको हत्या अभियोगमा युवा पक्राउ

सिन्धुपाल्चोक-  मेलम्चीमा हत्या आरोपमा एक युवा पक्राउ परेका छन् । 

मेलम्ची नगरपालिका-१० साधखोला बस्ने ६० वर्षीया मिन कुमारी खड्काको हत्या गरेको अभियोगमा ईन्द्रावती गाउँपालिका-४ टाँकुरे तामाङटोल बस्ने ३२ वर्षीय कुमार तामाङलाई बुधबार प्रहरीले पक्राउ गरेको छ ।

---

मिन कुमारी र छिमेकी महिला सोही ठाउँ खहरे बगुवा दोभानस्थित सिचाईकुलो खोधखोला सार्वजनिक जंगलमा घाँस काट्न गएको अवस्थामा कुमारले दुवै महिलालाई मुख छाडेको विषयमा मिन कुमारीले किन मुख छाडेको भन्दा कुमारले एक्कासी लाठी र ढुङ्गाले टाउकोमा प्रहार गरेपछि उनको घटनास्थलमै मृत्यु भएको  थियो । 

 ईलाका प्रहरी कार्यालय मेलम्चीबाट खटिएको प्रहरीले तामाङलाई नियन्त्रणमा लिएर थप अनुसन्धान गरिरहेको छ ।