चोरीपैठारीको लत्ताकपडा सशस्त्र प्रहरीद्वारा बरामद

काठमाडौ–महोत्तरीको सोनाम गाउँपालिका ५ स्थित खैरवनीबाट सशस्त्र प्रहरीले करिव १ लाख १३ हजार रुपैयाँ बराबरको चोरीपैठारीको लत्ताकपडा बरामद गरेको छ। 
बी.आर. ३० आर ४९४५ र बी.आर. ०६ य.टी. १६६२ नम्बरको भारतीय मोटरसाईकलमा राखेर नेपालतर्फ ल्याउँदै गरेको अवस्थामा उक्त लत्ताकपडा बरामद गरिएको हो। सशस्त्र प्रहरी बल नेपाल नम्बर ९ गण महोत्तरीबाट खटिएको सशस्त्र प्रहरीले बरामद गरेको थियो । त्यसवेला उक्त दुईवटै मोटरसाईकल समेत बरामद गरिएको छ। 

बरामद लत्ताकपडा तथा मोटरसाईकल भन्सार कार्यालय जलेश्वरमा बुझाईएको छ । उक्त मोटरसाईकलको भन्सार दाखिला मुल्य दुई लाख रुपैयाँ रहेको छ । 

---