औषधि तथा सर्जिकल सामान चोरी गरेको अभियोगमा चार जना पक्राउ

भक्तपुर : मध्यपुर ठिमी नगरपालिका–२ सानोठिमीस्थित दिव्य ज्योती साइटिफिक ट्रेडिङ कन्सर्नको गोदामबाट औषधी तथा सर्जिकल सामानहरू चोरी गरेको अभियोगमा चार जना पक्राउ परेका छन् । पक्राउ पर्नेमा मध्यपुर ठिमी नगरपालिका–२ सानोठिमी बस्ने २२ वर्षीय रिजन थापा मगर र उनका साथीहरू रहेका छन् । उनीहरूलाई आइतबार राति प्रहरीले पक्राउ गरेको हो । 

महानगरीय प्रहरी वृत्त ठिमी भक्तपुरबाट खटिएको प्रहरीले रिजनको घरबाट चोरी गरेको औषधी तथा सर्जिकल सामान फेला पारी उनीहरुलाई पक्राउ गरेको हो । उनीहरूले पुस २५ गते उक्त गोदामबाट औषधी तथा सर्जिकल सामानहरु चोरी गरेका थिए । यस विषयमा थप अनुसन्धान भइरहेको महानगरीय प्रहरी वृत्त ठिमीले जनाएको छ । 
 

---