श्रीमती हत्या अभियोगमा श्रीमान पक्राउ

मकवानपुर : श्रीमतीको हत्या अभियोगमा मकवानपुर गढी गाउँपालिका–२ भालङटार बस्ने ४६ वर्षीय देवराज गोलेलाई प्रहरीले पक्राउ गरेको छ । श्रीमती श्रीमाया गोलेको हत्या गरेको अभियोगमा उनलाई सोमबार बिहान प्रहरीले पक्रिएको हो । 

प्रहरीले श्रीमायालाई आफ्नै घरभित्र मृत अवस्थामा फेला परेको थियो । जिल्ला प्रहरी कार्यालय मकवानपुरबाट खटिएको प्रहरीको प्रारम्भिक अनुसन्धानमां देवराजको संलग्नता खुल्न आएपछि उनलाई पक्राउ गरिएको हो । यस विषयमा थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
 

---