गैँडाको खाग तस्करीका नाइके पक्राउ

काठमाडौं : गैँडाको खाग तस्करीका नाइके पक्राउ परेका छन् । चितवन राष्ट्रिय निकुञ्जमा गैँडाका खाग तस्करी गर्ने चितवनको कालिका नगरपालिका - ९ शक्तिखोरका ३२ बर्षीय तारा भनिने वीरमान सिंह प्रजा पक्राउ परेका हुन् ।

तस्करहरुको खोजीका लागि निकुञ्जमा खटिएको नेपाली सेना र कर्मचारीको संयुक्त टोलीले आइतबार उनलाई पक्राउ गरेको हो । गैँडा मार्ने र खाग तस्करीमा सलंग्न प्रजालाई पक्राउ गरेर आवश्यक कारवाहीका लागि चितवन राष्ट्रिय निकुञ्ज कार्यालयमा बुझाएको सेनाले जनाएको छ ।

---

नाइके पक्राउ परेपछि निकुञ्जमा चोरी शिकारी तथा गैँडाको तस्करी घट्ने अनुमान गरिएको छ ।