झापाबाट ब्राउन सुगरसहित दुई जना पक्राउ

काठमाडौं : झापा जिल्लाको मेचीनगर नगरपालिका ६ मेचीपुल डाँडाबाट माघ ५ गते शशस्त्र प्रहरीको टोलीले ५० ग्राम ८ सय ४० मिलिग्राम ब्राउन सुगरसहित दुई जनालाई पक्राउ गरेको छ । 

पक्राउ पर्नेहरूमा पाचथर जिल्लाको अमरपुर-६ का २७ वर्षीय अरुण सुब्बा लिम्वु र सुनसरी जिल्लाको महेन्द्रनगर नगरपालिका-४ का २४ बर्षीय ईश्वर थापा रहेको शशस्त्र प्रहरीले जनाएको छ । 

---

सशस्त्र प्रहरी बल, नेपाल फरवार्ड सुरक्षा वेश मेचीपुलबाट खटिएको टोलीले शंका लागि जाँच गर्दा उनीहरूको साथबाट ब्राउन सुगर फेला परेपछि पक्राउ गरिएको हो ।
 
पक्राउ परेकाहरूलाई बरामद ब्राउन सुगरसहित आवश्यक कारबाहीका लागि इलाका प्रहरी कार्यालय काँकडभिट्टामा बुझाइएको छ ।