श्रोत नखुलेको दुई लाख रुपैयाँसहित दुई पक्राउ

काठमाडौँ : रौतहट जिल्लाको राजदेवी नगरपालिका-८ लक्ष्मीपुरस्थित सीमा इलाकाबाट माघ ५ गते शशस्त्र प्रहरी टोलीले श्रोत नखुलेको दुई लाख रुपैयाँसहित दुई जनालाई पक्राउ गरेको छ । 

शशस्त्र प्रहरी निरीक्षक सुमन शर्माका अनुसार पक्राउ पर्नेमा भारतको शिवहर ग्रामपंचायत-९ घर बताउने ३१ वर्षीय असरथ मन्सुरी र ३० वर्षीय ओसी मोहमद छन् ।  

---

बीआर ३० वाई ५४३७ नम्बरको भारतीय मोटरसाइकलमा सवार उनीहरूलाई सशस्त्र प्रहरी बल, नेपाल बोर्डर आउट पोष्ट बेलविछुवाबाट खटिएको टोलीले जाँच गर्दा साथमा उल्लेखित रुपैयाँ फेला परेको हो । 

उनीहरूले उक्त रुपैयाँको श्रोत खुलाउन नसकेपछि दुवै जनालाई पक्राउ गरिएको हो । टोलीले त्यसबेला उनीहरूले प्रयोग गरेको मोटरसाईकल समेत बरामद गरेको छ । 

पक्राउ परेकाहरूलाई बरामद रुपैयाँ तथा मोटरसाइकलसहित आवश्यक कारबाहीको लागि भन्सार कार्यालय गौरमा बुझाएको निरीक्षक शर्माले जानकारी दिए ।