बलात्कार आरोपमा एक जना पक्राउ

जनकपुरधाम : धनुषा प्रहरीले युवती बलात्कार गरेको आरोपमा एक जनालाई पक्राउ गरेको छ । काठमाडौँमा बस्‍ने २६ वर्षीया एक युवतीलाई जबरजस्ती करणी गरेको आरोपमा कमला नगरपालिका–५ का अन्दाजी ५० वर्षीय भोला यादवलाई जनकपुरधामको रामानन्द चौकबाट प्रहरीले पक्राउ गरेको हो ।

बलात्कृत युवतीकी आमाले यादवविरूद्ध महानगरीय  प्रहरी वृतमा दिएको उजुरीको आधार यादवलाई पक्राउ गरिएको हो । यादवले छोरीलाई जबरजस्ती करणी पश्चात कुटपिटगरी घाइते बनाएको उजुरीमा उल्‍लेख छ ।

---

यादवले घटनापश्चात आफैले फोन गरेर घटना बारे युवतीकी आमालाई जानकारी दिएका थिए  आमा छोरीको कोठामा पुग्दा चोटपटक लागेको अवस्थामा अचेत अवस्थामा छाेरीलाई भेटेकी थिइन् । युवतीको हाल राष्ट्रिय ट्रमा सेन्टरमा उपचार भइरहेको छ । 

यादवमाथि उजुरी दिने उनकी श्रीमती हुन् भने बलात्कृत युवती यादवकी सौतेनी छोरी हुन् ।