थापामगरको हत्या आरोपमा पक्राउ

काठमाडौँ  : प्रहरीको केन्द्रीय अनुसन्धान ब्युरो (सिआइबी)ले राष्ट्रिय अनुसन्धान विभागका सहायक सूचक प्रवीण थापामगरको हत्यारा आरोपमा बिहीबार एकजनालाई पक्राउ गरेको छ । 

ब्युरोको टोलीले बाँकेको नेपालगञ्‍जमा कार्यरत २७ वर्षीय थापामगरको हत्यामा संलग्न भएको आरोपमा नेपालगञ्‍ज उपमहानगरपालिका-६ का १८ वर्षीय विवेक परियारलाई पक्राउ गरेको हो । ब्युरोका प्रवक्ता, प्रहरी उपरीक्षक गंगा पन्तले माघ २ गते हत्यापछि फरार रहेका परियारलाई भक्तपुरको चाँगुनारायणस्थित ताँथलीबाट पक्राउ गरिएको जानकारी दिनुभयो । 

---

हत्या भएका थापामगरको शव नेपालगञ्‍ज उपमहानगरपालिका-१८ स्थित खेतबारीमा टाउको तथा अनुहारमा चोट लागेको अवस्थामा फेला परेको थियो ।    पक्राउ परियारलाई आवश्यक अनुसन्धान तथा कारवाहीका लागि आजै जिल्ला प्रहरी कार्यालय बाँकेमा पठाउन लागिएको ब्युरोले जनाएको छ । (रासस)