सुर्खेतमा लागू औषधसहित दुई पक्राउ

सुर्खेत :  सुर्खेतको वीरेन्द्रनगरमा लागू औषध (ब्राउन सुगर) सहित दुई जना पक्राउ परेका छन् । वीरेन्द्रनगर ४ स्थित एकताटोलबाट २८ वर्षिय सदाम खाँ र २८ वर्षिय सब्बीर खाँलाई प्रहरीले शनिवार दिउँसो पक्राउ गरेको हो । गोप्य सूचनाका आधारमा बाँकेको खुजुरा घर बताउने उनीहरु एकताटोलमा भाडामा बस्दै आएका थिए । ३६० मिलिग्राम ब्राउन सुगर जस्तो देखिने पदार्थसहित जिल्ला प्रहरी कार्यालय सुर्खेतको टोलीले उनीहरुलाई पक्राउ गरेको हो ।

 लागू औषध नियन्त्रण ब्यूरो शाखा कार्यालयबाट सादा पोशाकमा खटिएको टोलीले उनीहरु बस्ने डेराबाट लागू औषध बिक्री वितरण भइरहेको भन्ने गोप्य सूचनाका आधारमा उनीहरुलाई पक्राउ गरेको हो । उनीहरुको कोठा खानतलासी गर्दा परालले छोपेर राखेको अवस्थामा १० पोका व्राउन सुगर जस्तो देखिने धुलो, १७ वटा नाइट्राभेटाम ट्याब्लेट र नगद १८ हजार पाँच सय ५० रुपियाँ नगदसहित उनीहरुलाई पक्राउ गरिएको हो । घटनाको विषयमा अनुसन्धान भइरहेको जिल्ला प्रहरी कार्यालय सुर्खेतका डिएसपि रामप्रसाद घर्तीले जानकारी दिए ।  
 

---