विना सजाय थुनामुक्त गराइदिन्छौँ भन्दै ठगी गर्ने दुई जना पक्राउ

भक्तपुर : सजाय र थुना मुक्त गराइ दिन्छौं भन्दै ठगी गर्ने दुई जनालाई प्रहरीले पक्राउ गरेको छ  । पक्राउ पर्नेहरूमा सूर्यबिनायक नगरपालिका–६ बस्‍ने ३३ वर्षीय वीरबहादुर तामाङ र २७ वर्षीय ग्याल्छेन लामा रहेका छन् ।

गत कात्तिक १६ गते सूर्यबिनायक गणेश मन्दिर नजिकबाट प्रहरीले धावा लामा र राजकुमार घिसिङलाई कछुवासहित पक्राउ गरेको थियो । विना कारवाही सजाय र थुना मुक्त गराइ दिन्छौँ भनेर विश्वास दिलाई ग्याल्छेन र बीरबहादुरले नगद २ लाख १० हजार रुपैयाँ ठगी गरी बेपत्ता भएका थिए ।

---

महानगरीय प्रहरी वृत्त जगाती भक्तपुरबाट खटिएको प्रहरीले तामाङ र लामालाई पक्राउ गरेको छ । यस विषयमा थप अनसुन्धान भइरहेको प्रहरीले बताएको छ ।