लागू औषधसहित दुई पक्राउ

सुर्खेत :  लागू औषधसहित डोल्पामा दुई जनालाई पक्राउ गरिएको छ । डोल्पा प्रहरीले त्रिपुरासुन्दरी नगरपालिका ५ स्थित इलाका प्रहरी कार्यालय करवगार्डको चेकप्वाईन्टमा चेकजाँच गर्ने क्रममा लागुऔषध सहित दुई जनालाई पक्राउ गरेको हो । 

लागू औषधसहित पश्चिम रुकुम चौरजहारी नगरपालिका २३ वर्षिय रेशम मल्लले र जाजरकोटस्थित भेरी नगरपालिकाका २२ वर्षीय एकराज शाहीलाई पक्राउ गरिएको छ । मल्लले चलाएको मोटरसाइकल पछाडि बसेका शाहीले बोकेको झोला खानतलाससी गर्दा लागू औषध भेटिएको प्रहरीले जनाएको छ । 

---

जाजरकोटबाट डोल्पाको त्रिपुराकोट आउँदै गरेको कर्णाली प्रदेश ०२००१ प. ००४८ नं.को मोटरसाइकल चेकजाँच गर्दा लागू औषध बरामद गरिएको हो । घटनाको अनुसन्धानको लागि मल्ल र शाहीलाई  मंगलवार दिउँसो जिल्ला प्रहरी कार्यालय डोल्पामा ल्याइएको प्रदेश प्रहरी कार्यालयका प्रवक्त हरि वाग्लेले जानकारी दिए । 

प्रहरी सहायक निरिक्षक धन बहादुर खड्काको नेतृत्वमा खटिएको ५ जनाको टोलीले उक्त लागू औषध बरामद गरेको हो ।  उनीहरुबाट  एक सय ३५ वटा नाइट्राभेट  ट्याब्लेट,  ३१४ वटा बायोट्राम ट्याब्लेट र ४८ वटा लिकँफ ट्याब्लेट बरामद गरिएको प्रहरीले जनाएको छ ।