जब डोजरले बाटो खन्दा ढुङ्गा पल्टियो...

सुर्खेत : गुर्भाकोट नगरपालिका-२ मालारानी सडकमा डोजरले बाटो खन्दा पल्टिएको ढुङ्गाले किच्दा एकजनाको मृत्यु भएको छ । मृत्यु हुनेमा सोही ठाउँकी ३८ वर्षीया कौशिला ढकाल रहेकी छिन् । बा.२ क २४९१ नम्बरको डोजरले बाटो खन्‍न क्रममा बिहीबार बिहान उक्त दुर्घटना भएको हो । ढकाल मालारानी सामुदायिक बनमा घाँस काटिरहेको अवस्थामा ढुङ्गाले टाउकोमा चोट लागेर गम्भीर घाइते भएकी थिइन् ।

सुर्खेतको मेहेलकुना अस्पतालमा उपचारको क्रममा उनको मृत्यु भएको हो । ढुङ्गा लागेर सोही ठाउँकी ४५ वर्षीया मनिसरा डांगी घाइते भएकी छिन् । उनको उपचार सोही अस्पतालमा भइरहेको छ । डोजर चालकलाई नियन्त्रणमा लिनुका साथै यस विषयमा थप अनुसन्धान भइरहेको प्रहरीले बताएको छ । 
 

---