बालिकालाई यौन दुर्व्यवहार गरेको अभियोगमा शिक्षक पक्राउ

कञ्चनपुर : १४ वर्षीया बालिकालाई यौन दुर्व्यवहार गरेको अभियोगमा एक शिक्षक बिहीबार साँझ पक्राउ परेका छन् । पक्राउ पर्नेमा बेलौरी नगरपालिका-६ विद्यानगरका ५३ वर्षीय मधुबिलास ढुङ्गाना रहेका छन् ।

उनी सोही ठाउँको महाकाली माध्यामिक विद्यालयका शिक्षक हुन् । विद्यालयको कक्षा कोठामा बुधबार बिहान ती बालिकालाई ढुङ्गानाले यौन दुर्व्यवहार गरेको प्रहरीले बताएको छ । इलाका प्रहरी कार्यालय बेलौरीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

---