पिकअपको ठक्करले मृत्यु

सप्तरी : पिकअप गाडीको ठक्करबाट सप्तरीमा आज एक व्यक्तिको घटनास्थलमा मृत्यु भएको छ । सप्तरीको अग्‍निसाइर कृष्णासवरन गाउँपालिका-१ जण्डौलमा प्रदेश नं ३-०१-०२४च ४२६९ नम्बरको पिकअपले दिएको ठक्करले सोही ठाउँका २८ वर्षीय दीपक चौधरीको मृत्यु भएको प्रहरीले जनाएको छ ।

पश्‍चिमबाट पूर्वतर्फ जाँदै गरेको पिकअप गाडीले सोही दिशातर्फ जाँदै गरेको पैदलयात्री चौधरीलाई ठक्कर दिएको जिल्ला प्रहरी कार्यालय सप्तरीका प्रहरी नायब उपरीक्षक भुवनेश्‍वरप्रसाद साहले बताइ । 

---

शव परीक्षणका लागि गजेन्द्रनारायण सिंह अस्पताल राजविराजको शवगृहमा ल्याइएको छ । प्रहरीले पिकअप गाडी र चालक कपिलवस्तुको बाणगङ्गा नगरपालिका-४ का २४ वर्षीय दीपेन्द्र थापालाई पक्राउ गरेको छ । (रासस)