मोटरसाइकल चोरीमा संग्लग्न ६ जना पक्राउ

झापा – मोटरसाईकल चोरीमा संग्लग्न रहेका १ जना भारतिय नागरीकसहित ६ जनालाई जिल्ला प्रहरी झापाले पक्राउ गरी सार्वजानिक गरेको छ । 

पक्राउ पर्नेमा भद्रपुर नगरपालिका-७ का २१ वर्षीय प्रकाश सहनी, २४ वर्षीय प्रकाश दर्जी, २१ वर्षीय दिपक उराव, २२ वर्षीय दिपेश राजवंशी, भद्रपुर नगरपालिका-१ का ३०  वर्षीय बिर्ख लिम्बु र भारत किसनगंजका १९ बर्षीय महम्मद समिम रहेका छन् ।  

---

‍जिल्लाका  विभिन्न स्थानहरुबाट मोटरसाइकल चोरीको घटना भएको भनी सवारी धनीहरुको लिखित निवेदन परेसँगै चोरी गर्ने व्यक्तिहरुको सुक्ष्म रुपले निगरानी तथा पहिचान गर्दे क्रममा प्रकाश सहनी भन्ने व्यक्तिले मोटरसाईकल चोरी गरी बिक्री वितरण गर्ने गरेको भन्ने गोप्य सूचनाको आधारमा निजलाई पक्राउ गरिएको जिल्ला प्रहरी कार्यालय झापाले जनाएकाे छ ।

सहनीले दिएको बयानका आधारमा चोरीमा संग्लग्न अन्य ५ जनालाई समेत पक्राउ गरिएको हाे ।