प्रतिबन्धित भारतीय रुपैयाँसहित दुई थाई महिला पक्राउ

काठमाडाै‌ँ- अवैध रूपमा लुकाई छिपाई लैजान लागेको नेपालमा प्रतिबन्धित भारतीय रुपैयाँसहित दुई थाई नागरिक पक्राउ परेका छन्। नेपालमा प्रतिबन्धित २ हजार दरको ४ थान र ५ सय दरको ५ सय ७३ थान गरी जम्मा २ लाख ९४ हजार ५ सय भारतीय रूपैयाँ सहित २ जनालाई थाई त्रिभुवन अन्तर्राष्ट्रिय विमानस्थलबाट प्रहरीले पक्राउ गरेको छ ।

पक्राउ पर्नेहरूमा राहदानी नम्बर एबि २८७६४६६ वाहक ३२ वर्षीया वान्विसा जन्तासन र राहदानी नम्बर एबि २८७९४३० वाहक ४१ वर्षीया वारापाेर्न खुन्साेम्बत रहेका छन् । भिस्टारा एयरलाईन्सको उडानद्धारा काठमाडौंबाट भारतको दिल्ली जान लागेका उनीहरूलाई एक्सरे मेसिनमा प्रहरीले जाँच गर्ने क्रममा उक्त प्रतिबन्धित भारतीय रूपैयाँ फेला पारेको हो । उनीहरूमध्ये वान्विसाको साथबाट १ लाख ७९ हजार ५ सय र वारापाेर्नको साथबाट १ लाख १५ हजार गरी जम्मा २ लाख ९४ हजार ५ सय भारतीय रूपैयाँ फेला परेको छ। यस सम्बन्धमा प्रहरीले थप अनुसन्धान गरिरहेको छ ।

---