५ किलो अफिमसहित एक लाख नगद बरामद

मकवानपुर - जिल्ला प्रहरी कार्यालय मकवानपुरले ५ किलो अफिम सहित एक लाख नगद बरामद गरेको छ ।

जिल्ला प्रहरी कार्यालय मकवानपुरका निमित्त प्रवक्ता प्रहरी निरीक्षक राजकुमार सापकोटाका अनुसार मकवानपुरको मनहरी गाउँपालिकाबाट अवैध लागूऔषध अफिम ५ किलो र एक लाख रुपैयाँ नगद बरामद गरेको हो।

---

मंगलबार राति इलाका प्रहरी कार्यालय मनहरीबाट विशेष सूचनाको आधारमा खटिएको प्रहरी टोलीले दुई वटा मोटरसाइकलबाट लागूऔषध अफिम र नगद बरामद गरेको हो ।

प्रहरीलाई देख्नासाथ मोटरसाइकल चालकहरु फरार भएको प्रहरीले जनाएको छ । उनीहरुको अहिले खोजी कार्य भइरहेको जिल्ला प्रहरी कार्यालय मकवानपुरले जनाएको छ ।