लागुऔषधसहित युवा पक्राउ

मकवानपुर -जिल्ला प्रहरी कार्यालय मकवानपुरले लागुऔषध र नगद सहित एक युवालाई नियन्त्रणमा लिएको छ ।

प्रहरीले हेटौंडा वडा  १४ घर भइ हेटौंडा २ मा बस्दै आएका २१ वर्षीय अजय गोलेलाई नियन्त्रणमा लिएको हो । उनको डेरामा जाँच गर्दा लुकाई राखेको लागुऔषध डाईजेपाम ५८ एम्पुल, फेनारगन ५७ एम्पुल, नफिन ५७ एम्पुल बरामद गरिएको थियो ।

 यसैगरी उनको साथबाट लागुऔषध नाईट्रोभेट ८१ ट्बलेट, लागु औषध ओनारक्स ३ बोतल, ट्रमाञ्जोल २१ क्याप्सुल र नगद २९ हजार ६ सय ५० फेला पारेको प्रहरी प्रवक्ता प्रहरी निरीक्षक राजकुमार सापकोटाले बताए ।

---