भुपेन्द्र बडुवाल हत्याका प्रकरण: फरार रहेका ३ जना पक्राउ

काठमाडौँ - कैलालीका भुपेन्द्र बडुवाल हत्या प्रकरणमा थप तीन जना पक्राउ परेका छन् ।

तत्काल पक्राउ अभियुक्तहरूमध्ये कैलाली जिल्ला अदालतबाट धरौटी तारेखमा छोडिएकोमा मुद्दाको पुनरावेदन हुँदा धरौटी तारेखमा छुटेका तीनै जनालाई ईलाका प्रहरी कार्यालय लम्की र बौनियाबाट खटिएको टोलीले सोमबार पक्राउ गरेको हो । 

---

 पक्राउ पर्नेमा बर्दिया ठाकुरबाबा-३ का २६ वर्षीय सन्तोष भन्ने सबिनजंग शाही, कैलाली लम्की चुहा-३ का २८ वर्षीय बिकास खड्का र बर्दगोरिया-२ का २५ वर्षीय लोकेन्द्र कुवँर छन् । उनीहरूलाई मंगलबार कैलाली जिल्ला अदालतमा दाखिल गरिने प्रहरीको भनाइ छ । 

लम्की चुहा नगरपालिका २३ वर्षीय भुपेन्द्र बडुवालको पुस २३ गते टीकापुर नगरपालिमा हत्या भएको थियो ।