प्रहरी कार्यालय आउने सेवाग्राहीलाई प्रलोभन देखाउने पक्राउ

काठमाडौँ : प्रहरी कार्यालयमा आउने सेवाग्राहीलाई समस्या मिलाइदिन्छु भनेर प्रलोभन पार्ने एकजना पक्राउ परेका छन् । गौशाला बस्ने २६ वर्षीय तार्जनकुमार गणेशलाई बिहीबार दिउँसो प्रहरीले पक्राउ गरेको हो ।

महानगरीय प्रहरी वृत्त कालिमाटीको कार्यालय तथा आसपासमा आउने सेवाग्राहीलाई प्रलोभन दिएको आरोपमा उनी पक्राउ परेका हुन् । सुन चोरीसँग सम्बन्धित घटनाका पीडित काभ्रे नमोबुद्धका एक पुरुषलाई मुद्धा मिलाई दिने भन्दै प्रलोभनमा पारिरहेको अवस्थामा उनलाई प्रहरीले पक्राउ गरेको हो । 
 

---