महिलालाई खाल्डोमा पुरेर भाग्‍ने डोजर चालक पक्राउ

काठमाडौँ : धादिङ त्रिपुरासुन्दरी गाउँपालिका-१ बस्‍ने ४० वर्षीया सरस्वती कुमाललाई खाल्डोमा पुरेर फरार भएका डोजर चालक पक्राउ परेका छन् । सल्यान छायाक्षेत्र गाविस-९ का जिवन भन्‍ने २२ वर्षीय भिमबहादुर बुढाथोकीलाई शुक्रबार प्रहरीले पक्राउ गरेको छ ।

त्रिपुरासुन्दरी गाउँपालिका-१ खोल्सीमा सडक मर्मत गर्दैगर्दा सरस्वतीलाई माटो फाल्ने बकेटले ठक्कर दिएको थियो । प्रदेश ३-०१-००३ क ६५६४ नम्बरको जेसीबी चालक भिमले सरस्वतीलाई माटोमा पुरि घटनास्थलबाट फरार भएका थिए ।

---

प्रहरी प्रधान कार्यालय केन्द्रीय अनुसन्धान ब्यूरोबाट खटिएको प्रहरी टोलीले नेपाल भारत सिमास्थित कञ्‍चनपुरको गड्डा चौकीबाट उनलाई पक्राउ गरेको हो । यस सम्बन्धमा थप अनुसन्धान भइरहेको केन्द्रीय अनुसन्धान ब्यूरोले जनाएको छ ।