भन्सार छली ल्याएको सामग्रीसहित ट्रक नियन्त्रणमा

पर्सा–हार्डवेयर तथा विभिन्न किसिमका लत्ताकपडाहरू लोड रहेको ट्रक नियन्त्रणमा लिइएको छ ।

प्रज्ञापन पत्र विनाको हार्डवेयर तथा बिभिन्न किसिमका लत्ताकपडाहरू लोड गरी काठमाण्डौ तर्फ लैजादै गरेको अवस्थामा सामग्री बरामद गरिएको हो ।
वीरगञ्ज महानगरपालिका वडा नं.–८ घण्टाघरस्थित सडकखण्डमा ना.६ ख ६०३ नम्बरको मालवाहक ट्रक रोकी जाँच गर्ने क्रममा भन्सार छली गरी ल्याइएका हार्डवेयर तथा लत्ताकपडाहरू फेला परेको जिल्ला प्रहरी कार्याल पर्साले जनाएको छ।

---

बरामद गरिएको सामग्रीको एक करोड बीस लाख मूल्याङ्कन गरी आवश्यक कारवाहीको लागि राजश्व अनुसन्धान कार्यालय पथलैया, बारामा बुझाइएको छ ।