भन्सार छली चोरी पैठारी गरी ल्याइएका मोबाइलसहित पक्राउ

काठमाडौं- भन्सार छली चोरी पैठारी गरी ल्याएका ३० थान मोबाइल सहित एक युवक पक्राउ परेका छन् । काठमाडौं नागार्जुन नगरपालिका-३ ईचंगुनारायणका २९ वर्षीय आशिक श्रेष्ठलाई प्रहरीले पक्राउ गरेको हाे ।  

भारतबाट श्रेष्ठ समेतका व्यक्तिले मोबाइललगायतका अन्य सामानहरु भन्सार छली चोरी पैठारी गरी ल्याई कारोबार गर्ने गरेको भन्ने सूचनाको आधारमा प्रहरीले श्रेष्ठकाे पसलमा तलासी गरेकाे थियाे।

---

महानगरीय अपराध महाशाखाबाट खटिएको प्रहरीले काठमाडौं नागार्जुन नगरपालिका-३ स्वयम्भू हलचोकस्थित आशिक श्रेष्ठको एएस मोबाइल स्टोरमा तलासी गर्दा भन्सार चोरी पैठारी गरी ल्याईएका विभिन्न कम्पनीका मोबाइल फेला पारी उनलाई पक्राउ गरेको हो ।

उनलाई आवश्यक कारवाहीको लागि अन्तर्राष्ट्रिय विमानस्थल भन्सार कार्यालय गौचर काठमाडौं पठाइएको छ ।