लागुऔषधसहित दुई जना पक्राउ

सुर्खेत - सुर्खेतमा लागुऔषधसहित दुईजना पक्राउ परेका छन् ।

२५ वर्षीय बर्ण बास बोहोरा र उनीसँग बस्ने २८ वर्षीया भिमा तामाङलाई पक्राउ गरिएकाे छ ।

---

लागूऔषधको  कारोबार  भइरहेकाे भन्ने गोप्य सूचनाको आधारमा जिल्ला प्रहरी कार्यालय तथा लागूऔषध नियन्त्रण ब्यूरो सुर्खेतबाट सादा पोसाकमा खटिएको टोलीले उनीहरुलाई पक्राउ गरेको हो ।

बोहराको कोठा खानतलासी गर्दा  लागूऔषध ब्राउन सुगर जस्तो देखिने ८ ग्राम ६७० मिलिग्राम सेतो हिरोइन जस्तो देखिने पदार्थ बरामद गरिएको प्रहरीले जनाएको छ।

उनीहरुबाट प्रहरीले एक लाख ५६ हजार एक सय २० रुपैयाँ पनि बरामद गरिएको डीएसपी रामप्रसाद घर्तीले जानकारी दिए  ।