कैलालीमा महिलाले गरिन् आफ्नै श्रीमानको हत्या

कैलाली - कैलालीको मोहन्याल गाउँपालिकामा आइतबार मध्यराति एक महिलाले आफ्नै श्रीमानको हत्या गरेकी छन् ।

मोहन्याल गाउपालिका १ राक्साकि ३२ बर्षिया चुमा कुमारी थापा बुढामगरले ४३ बर्षका श्रीमान नारायण बुढा मगरको हत्या गरेकी हुन् ।

---

चुमा कुमारीले आइतबार राती करिब १२ बजे तिर धारिलो हतियार प्रयोग गरि आफ्नै श्रीमानको हत्या गरेको स्विकार्दै ईलाका प्रहरी कार्यलय पण्डौनमा  मृतक श्रीमानको टाउको बोकेर आत्मसमर्पण गरेकी छिन ।

जिल्ला प्रहरी कार्यलय कैलालीका प्रमुख प्रहरी उपरीक्षक (एसपी) विश्व अधिकारीले घटनाको पुष्टि गर्दै प्रहरी घटनास्थलतर्फ गएको बताए । घटनास्थल अति नै दुर्गम भएकोले प्रहरी पुग्न केही समय लाग्ने एसपी अधिकारीले जानकारी दिए । 

प्रहरीका अनुसार उनीहरुले ११ बर्ष र ७ बर्षका २ छोरा छन् ।