मोटरसाइकलमा लागूऔषध ओसार्ने दुई पक्राउ

हेटौंडा : मोटरसाइकलमा लागूऔषध ओसार्ने हेटौंडाका दुई जना पक्राउ परेका छन् । मोटलसाइकल चालक हेटौंडा-४ का ३६ वर्षीय शिशिरराज जोशी र मोटरसाइकलमा सवार हेटौंडा-८ का २५ वर्षीय सुसान्त नेपालीलाई बुधबार प्रहरीले हेटौंडा-१५ स्थित सडकखण्डबाट पक्राउ गरेको हो ।
 
बारा जिल्लाको पथलैयाबाट हेटौंडातर्फ आउँदै गरेको ना १६ प ८३२७ नम्बरको पल्सर मोटरसाइकललाई प्रहरीले रोकेर सुरक्षाजाँच गर्दा मोटरसाइकलको सिट मुनि लुकाएर राखेको अवस्थामा प्रहरीले लागूऔषध ओनेरेक्स १२ बोटल बरामद गरेको थियो ।
 
उनीहरुलाई बिहीबार सार्वजनिक गर्दै प्रहरीले थप अनुसन्धान गरिरहेको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले बताए । 

---