पेस्तोलसहित दुई जना पक्राउ

बारा– एक थान पेस्तोल र सोको गोलीसहित सशस्त्र प्रहरीले दुई जना पक्राउ गरेको छ। जिल्लाको सिम्रौनगढ नगरपालिका बसबरीयास्थित सीमा ईलाकाबाटेसशस्त्र प्रहरीले एक थान कटुवा तथा एक थान चाईनिज पेस्तोल र सोको दुई–दुई वटा गोलीसहित दुई जनालाई पक्राउ गरेको हो ।

पक्राउ पर्नेहरुमा भारतीय नागरिक अखलेस कुमार सिंह र पप्पुकुमार यादव रहेका छन् ।

---

बीआर ०१ सी ३१६१ नम्बरको भारतीय मोटरसाईकलमा सवार उनीहरुलाई सशस्त्र प्रहरी बल नेपाल फरवार्ड सुरक्षा वेश झरोखरबाट खटिएको सशस्त्र प्रहरीले शंका लागि जाँच गर्दा उनीहरुको साथमा उक्त पेस्तोल तथा गोली फेला पारेको हो । त्यसबेला उनीहरुले प्रयोग गरेको उक्त मोटरसाईकल समेत बरामद गरिएको छ ।

पक्राउ परेकाहरुलाई बरामद पेस्तोल, गोली र मोटरसाईकलसहित आवश्यक कारवाहीको लागि नेपाल प्रहरीलाई बुझाईएको छ ।