अमेरिकी उप–विदेशमन्त्री तिब्बती शरणार्थी शिविर पुगेको प्रति रावलको टिप्पणी - एमसीसी सम्झौतापछि पहिलो हस्तक्षेपकारी कार्य

काठमाडौँ - नेकपा (एमाले) का नेता भीम रावलले एमसीसी अनुमोदनपछि अमेरिकाले हस्तक्षेप बढाएको भन्दै आपत्ति जनाएका छन् । 

अमेरिकी उप–विदेशमन्त्री एंव तिब्बती मामिला विशेष संयोजक उजरा जियाको नेपाल भ्रमण र विभिन्न व्यक्तित्वहरुसँगको भेटघाटबारे रावलले सामाजिक सञ्जालमा ट्विट गर्दै आपत्ति जनाएका हुन् । 

---

जिया दूतावासका उपप्रमुखसहित आज जाउलाखेलस्थित तिब्बती शरणार्थी शिविर पुगेकी थिइन् ।  

एममीसी सम्झौतापछि यो पहिलो हस्तक्षेपकारी कार्य भएको भन्दै रावलले नेपालको असंलग्न स्वतन्त्र परराष्ट्र नीति समाप्त भएको हो त ?  सरकारलाई प्रश्नसमेत गरेका छन् । 

उनले लेखेका छन्, ‘नेपाल प्रहरीको स्कर्टिङमा अमेरिकी उपमन्त्री एवं तिब्बती मामिला संयोजक उज्रा जिया दूताबासका उपप्रमुख सहित जाउलाखेल,तिब्बती शरणार्थी शिविर पुगेकी छन्ए । एमसीसी सम्झौता अनुमोदन पछि पहिलो हस्तक्षेपकारी कार्य।के नेपालको असंलग्न स्वतन्त्र परराष्ट्र नीति समाप्त भएको हो,गठजोड सरकार ?’

जियाले प्रधानमन्त्री शेरबहादुर देउवा, गृहमन्त्री बालकृष्ण खाणलगायतसँग भेटघाट गरेकी छिन् ।  जिया तीन दिने भ्रमणका लागि शुक्रबार नेपाल आएकी हुन् ।

<

नेपाल प्रहरीको स्कर्टिङमा अमेरिकी उपमन्त्री एवं तिब्बती मामिला संयोजक उज्रा जिया दूताबासका उपप्रमुख सहित जाउलाखेल,तिब्बती शरणार्थी शिविर पुगेकी छन्!एमसीसी सम्झौता अनुमोदन पछि पहिलो हस्तक्षेपकारी कार्य।के नेपालको असंलग्न स्वतन्त्र परराष्ट्र नीति समाप्त भएको हो,गठजोड सरकार? pic.twitter.com/vFfbzEE0Hz

— Bhim Rawal, PhD (@BhimRawal179) May 21, 2022

>