भाजपा मुख्यालयमा प्रचण्ड : अध्यक्ष जेपी नड्डासँग भेटवार्ता

काठमाडौं - माओवादी केन्द्रका अध्यक्ष पुष्पकमल दाहाल प्रचण्ड भारतीय जनता पार्टी ‍(भाजपा) को मुख्यालय पुगेका छन् । नयाँदिल्लीस्थित भाजपा मुख्यालयमा प्रचण्ड र भाजपा अध्यक्ष जेपी नड्डाबीच आइतबार भेटवार्ता भएको हो ।

भेटमा भारतीय विदेशीमन्त्री एस जयशंकर, भाजपा विदेश विभाग प्रमुख विजय चौथाईवालासमेत सहभागी छन् । भाजपा अध्यक्ष नड्डाकै निमन्त्रणामा प्रचण्ड तीन दिने भारत भ्रमणमा गएका हुन् ।

---

प्रचण्डसँग शनिबार भारतीय प्रधानमन्त्री नरेन्द्र मोहीका सुरक्षा सल्लाहकार अजित डोभाल र विदेशमन्त्री एस जयशंकरले भेटवार्ता गरेका थिए । 

प्रचण्ड र भारतीय प्रधानमन्त्री मोदीबीच सम्भवतः आजै भेटवार्ता हुने बताइए पनि निश्चित छैन । प्रचण्ड आजै स्वदेश फर्कने कार्यक्रम छ ।