अमेरिकी सहायक विदेशमन्त्री डोनाल्ड लु काठमाडौंमा

अमेरिकाको दक्षिण तथा मध्यएसियाली मामिलासम्बन्धी सहायक विदेशमन्त्री डोनाल्ड लु काठमाडौं आइपुगेका छन्। अमेरिकी राजदुताबासले उनी काठमाडौं आइपुगेको पुष्टि गरेको छ। लु अमेरिकी बिदेश मन्त्रालयमा दक्षिण एशियाली मामिलाका सबैभन्दा उच्च तहका कूटनीतिज्ञ हुन्।

उनले शीर्ष नेता र नागरिक समाजका अगुवाहरुसँग भेटवार्ता गर्ने तथा वातावरण संरक्षण, महिला सशक्तिकरण, सांस्कृतिक संरक्षण र दीगो विकासका प्रमुख क्षेत्रहरुमा सहयोग अघि बढाउने बिषयमा छलफल गर्ने कार्यक्रम रहेको दुताबासले जनाएको छ ।

---