चितवनमा डेङ्गी सङ्क्रमितको मृत्यु

चितवन- डेङ्गी सङ्क्रमितको एकजनाको मृत्यु भएको छ । चितवनको भरतपुर महानगरपालिका–२ का ६३ वर्षीय पुरुषको मृत्यु भएको हो ।

गत शनिबार चितवन मेडिकल कलेजमा उपचारका क्रममा उनको मृत्यु भएको जनस्वास्थ्य कार्यालयका जनस्वास्थ्य अधिकृत विमल पटेलले जनाकारी दिए ।

---

उनका अनुसार ती बिरामी ज्वरो आएर शुक्रबार मेडिकल कलेजमा भर्ना भएका थिए । जिल्लाका विभिन्न अस्पतालमा उपचारका लागि आएका बिरामीमध्ये सात सय २७ जनामा डेङ्गीको सङ्क्रमण देखिएको छ ।

तीन हजार ४४ जनाको परीक्षणका क्रममा उनीहरूमा यो रोगको सङ्क्रमण पुष्टि भएको हो । सङ्क्रमितमध्ये पाँच सय ३२ जना चितवनका र अन्य जिल्लाका छन् ।