मिर्गौला परीक्षणमा सिटीको प्याकेज

भैरहवा - विश्व मिर्गौला दिवसको अवसरमा सिद्धार्थनगर सिटी अस्पतालले विशेष प्याकेज ल्याएको छ । समुदायमा लुकेर बसेको मिर्गौलासम्बन्धी समस्या पत्ता लगाउन अस्पतालल एक महिने प्याकेज ल्याएको हो ।

२०६८ सालदेखि सेवा दिँदै आएको अस्पतालले मिर्गौला दिवस १० मार्चदेखि एक महिना मिर्गौला स्वास्थ्य प्याकेज न्यूनतम शुल्क एक हजार ७९९ मा ल्याएको अस्पतालका प्रबन्ध निर्देशक अर्जुन पौडेलले बताए । 

---

उच्च रक्तचाप भएका, मधुमेह भएका, धेरै औषधीहरुको सेवन गर्ने, धुम्रपान तथा मध्यपान गर्ने व्यक्ति, धेरै वजन भएका र परिवारमा सदस्यहरूमा किड्नी तथा पिसाबसम्बन्धी समस्या भएका व्यक्तिहरूलाई लक्षित गरि यो प्याकेज ल्याइएको उनले बताए ।

यो प्याकेजको शुल्क चार हजार १५० रहे पनि मिर्गौला दिवसकै अवसरमा विशेष छुटका साथ एक हजार ७९९ मा सेवा बिहीबार सुरु गरिएको हो ।