हेराल्ड कलेजले गर्‍यो ‘फ्युचरामा २०२३’ नामक दुई दिने आईटी कार्यक्रम

काठमाडाैँ – हेराल्ड कलेज काठमाडौँले आईएनजी स्किल एकेडेमीसँगको सहकार्यमा आईटी र व्‍यापार शिक्षामा प्रख्यात संस्थाले फ्युचरामा २०२३’ नामक दुई दिने प्राविधिक कार्यक्रमको आयोजना गरेको छ।

---

सूचना प्रविधि क्षेत्रमा सम्भावित भविष्यका उद्यमीहरूका लागि प्रतिस्पर्धात्मक वातावरण बनाउन, आईएनजी स्किल एकेडेमीले विभिन्न पृष्ठभूमिका विद्यार्थीहरूका लागि विशेष प्राविधिक कार्यक्रम, फ्युचरामा, आयोजना गरिएको हो । उक्त कार्यक्रममा सहभागीहरूले आईटी र दिगो व्यवसायको अत्याधुनिक क्षेत्रहरू अन्वेषण गरेका छन् ।

फ्युचरामा एक विशेष कार्यक्रम हो जहाँ विद्यार्थीहरूले दिगो व्यापार र सूचना प्रविधिमा सबैभन्दा ताजा विकास र विस्तार भएका प्रविधिहरूको अन्वेषण गर्ने मौका पाउँछन् जसले विद्यार्थीहरू र युवा पेशेवरहरूद्वारा सिर्जना गरिएका अत्याधुनिक आईटी परियोजनासँग सहभागीहरूले अन्तरक्रिया गर्ने मौका पाए ।

यस्तै इन्टरनेट अफ थिंग्स (आईओटी), मल्टिमिडिया, आर्टिफिसियल इन्टेलिजेन्स, साइबर सुरक्षा, र थप जस्ता विभिन्न विषयहरूको बारेमा पनि सहभागीहरूले जानकारी पाएका छन् ।

यसका साथै फ्युचरामा कल्पनाको खेल मैदानमा सहभागीहरूले एआई र रोबोटिक्स, आपत्कालीन सूचना प्रणाली, वाकिङ पियानो, मिडी ड्रम कन्ट्रोलर र गो कार्ट ट्र्याक जस्ता चमत्कारहरू बनाउन सिकेका थिए ।

आगामी ३०औं शताब्दीको रमाइलो कार रेस, एनिमेसन र भीएफएक्सको मनमोहक क्षेत्र, रिमोट कन्ट्रोलर स्मार्ट डस्टबिन सहित प्रत्यक्ष प्रदर्शनले थप रोमाञ्चक बनाएको थियो ।

उक्त टिम अहिले देश व्यापी यात्रामा लागेका छन् । इटहरी, विराटनगर, पोखरा, नेपालगन्जलगायतका ठूला शहरहरू उक्त प्रदर्शन हेर्न तयार छन्।