महोत्तरीमा एउटा मात्र सामुदायिक विद्यालयको शतप्रतिशत नतिजा

महोत्तरी- महोत्तरीमा ११ वटा संस्थागत र सामुदायिक विद्यालयहरूले एसइईमा शतप्रतिशत नतिजा ल्याउन सफल भएका छन् ।

एउटा सामुदायिक विद्यालय र बाँकी १० वटा संस्थागत विद्यालयहरूले शतप्रतिशत नतिजा ल्याउन सफल भएका जिल्ला शिक्षा विकास तथा समन्वय इकाई महोत्तरीले जनाएको छ ।

---

सामुदायिक विद्यालयहरू मध्ये जन जागृती माध्यमिक विद्यालय पाटु बर्दिबास शतप्रतिशत नतिजा ल्याउने जिल्ला कै एक्लो विद्यालय बनेको छ भने बाँकी संस्थागत विद्यालयहरू छन् ।

संस्थागत विद्यालयहरूमा एभरेस्ट पब्लिक बोर्डिङ्ग स्कुल बर्दिवास, भानुभक्त स्कुल गौशाला, ग्लोबल एकेडेमी बर्दिवास, गुरुकुल एकेडेमी बर्दिबास, न्युटन भ्यू स्कुल रामगोपालपुर, शिशु ज्ञान निकुञ्ज जलेश्वर, ग्यालेक्सी अङ्ग्रेजी विद्यालय मनरासिस्वा, सनराईज स्कुल औरही, चिल्ड्रेन ग्लोरी औरही, सिद्धार्थ अङ्ग्रेजी स्कुल बर्दिबास र जानकी सितल स्कुल रहेका छन् ।

२०८० असार १३ गते प्रकाशित एसइईको नतिजाअनुसार उत्कृष्ट जीपीए ल्याएर एभरेष्ट स्कुल बर्दिबास जिल्ला कै पहिलो बनेको छ ।