त्रिविबाट सञ्चालित कुनै पनि परीक्षा रोकिएका छैनन : नियन्त्रक जोशी

काठमाडौँ - त्रिभुवन विश्‍वविद्यालयले जारी परीक्षा नरोकिने बताएको छ । त्रिवि अन्तर्गतको परीक्षा नियन्त्रण कार्यालय बल्खुले अहिले जारी रहेका सबै संकायका परीक्षा जारी रहेको बताएको हो ।

परीक्षा नियन्त्रक पुष्पराज जोशीले राष्ट्रिय परीक्षा बोर्डले कक्षा १२ को परीक्षा रोकेपनि त्रिविबाट सञ्चालित सबै परीक्षा जारी रहने बताएका हुन् । ‘त्रिविबाट सञ्चालित सबै परीक्षा जारी छन्’, उनले इकागजसँग भने, ‘कक्षा १२ को परीक्षा रोकियो भनेर कोही पनि भ्रममा नपर्नुहोला ।

---