त्रिविको दिक्षान्त समारोहको आवेदन खुला

काठमाडौँ - त्रिभुवन विश्वविद्यालयले ४७औं दिक्षान्त समारोहको लागि अनलाइनबाट आवेदन खुला गरेको छ । २०७७ असार १ गतेदेखि २०७८ जेष्ट ३१ गतेसम्म त्रिभुवन विश्वविद्यालबाट सेमेस्टर तथा वार्षिक उत्तिर्ण गरी स्नातक स्नाकोत्तर तथा एमफिल ट्रान्सकृप्ट लिएका र सोही समयमा विद्यावारिधि पिएचडी गर्नेहरूले भर्न पाउने छन् ।

आवेदन भदौ २१ बाट असोज २१ सम्म खुला रहने छ त्रिविले जानकारी दिएको छ । दिक्षान्त समारोह आगामी पुस माहिनामा गर्ने तयारीमा विश्वविद्यालय लागेको छ ।

---

कसरी भर्ने ?

दिक्षान्त समारोहमा सहभागी हुन विश्वविद्यालयको वेब साइट tuexam.edu.np/convocation मा गएर आफ्नो फोटो तथा ट्रान्सकृप्टको स्क्यान कपि राखेर नेपाल बैंक वा ग्लोबल बैंकको अनलाइन मार्फत तोकिएको शुल्क तिर्नु पर्नेछ । दिक्षान्त समारोहको मिती पछि प्रकाशित गरिने विश्वविद्यालयले जनाएको छ ।