चिकित्सा शिक्षामा सरकारले तोके भन्दा बढी शुल्क लिएको भन्दै विद्यार्थीहरु आन्दोलित

काठमाडौँ - चिकित्सा शिक्षामा सरकारले तोके भन्दा बढी शुल्क लिएको भन्दै विद्यार्थीहरु आन्दोलित भएका छन् । काठमाडौँ मेडिकल कलेज (केएमसी) ले तोकेभन्दा बढी शुल्क लिएको भन्दै विद्यार्थीहरुले बुधबार काठमाडौंको माइतीघरमा प्रदर्शन गरेका हुन् । 

प्रदर्शनमा सहभागी विद्यार्थीहरुले मेडिकल माफिया मुर्दावाद, हाम्रो भविष्य सुनिश्चित गर, लुटतन्त्र बन्द गर, विद्यार्थी एकता जिन्दावाद लेखिएका प्लेकार्ड प्रदर्शन गरेका थिए । 

---

उनीहरुले होस्टल अनिवार्य र मेस अनिवार्य गरिएको गुनासो गरेका छन् । आफूहरुको मागहरु अबिलम्व पुरा गरि कानुनले तोकेको शुल्कमा पढ्ने वातावरणको व्यवस्था गर्न पनि माग गरेका छन् । विद्यार्थीहरुले कानुनको प्रवाह नगरी लिन खोजिएका अतिरिक्त शुल्कहरु तिर्न बाध्य नहुने चेतावनी दिएका छन् ।