माघ १५ सम्म विद्यालय बन्द हुने, शिक्षा मन्त्रालयले सूचना जारी गर्दै

काठमाडौं - १५ माघसम्म विद्यालय बन्द गर्ने कोभिड–१९ संकट व्यवस्थापन केन्द्र (सीसीएमसीसी)को सिफारिसलाई शिक्षा मन्त्रालयले कार्यान्वयन गर्ने भएको छ । शिक्षा, विज्ञान तथा प्रविधि मन्त्रालयका प्रवक्ता दीपक शर्माले सीसीएमसीको सिफारिस अनुसारकै सूचना जारी गर्ने तयारी रहेको बताए । आजै सूचना जारी गरिने उनको भनाइ छ । 

'सीसीएमसीले गरेकै सिफारिसकैआधारमा मन्त्रालयले निर्णय गर्ने भएको छ,’ उनले भने, ‘आजै यसबारे सूचना जारी गर्छौँ । सीसीएमसीसीको आइतबार बसेको बैठकले संक्रमण बढ्दै गएपछि माघ १५ सम्‍म विद्यालय बन्द गर्न सिफारिस गरेको थियो । 
 

---