सिन्धुपाल्चोकको त्रिपुरासुन्दरी गाउँपालिकामा कांग्रेस विजयी

काठमाडौं– सिन्धुपाल्चोकको त्रिपुरासुन्दरी गाउँपालिकाको अध्यक्ष र उपाध्यक्ष दुवै पदमा नेपाली कांग्रेसका उम्मेदवार विजयी भएका छन्। अध्यक्षमा कांग्रेसका भक्तध्वज बोहरा र उपाध्यक्षमा गीताकुमारी नेपाल विजयी भएका हुन् । 

अध्यक्षमा विजयी भएका  बोहराले ४ हजार २ सय २९ मत ल्याएर जित हात हासिल गरेका हुन् ।  उनका निकटतम प्रतिद्वन्द्वी एमालेका मेघनाथ पौडेलले ३ हजार २ सय ६७ मत ल्याएका छन् ।

---

उपाध्यक्षमा गीताकुमारी नेपालले ४ हजार १ सय ५६ मत ल्याएर विजयी भएकी हुन् ।  उपाध्यक्षको प्रतिद्वन्द्वी एमालेकी सविता श्रेष्ठले ३ हजार ८ सय ८९ मत ल्याइन् ।