धनुषाको औरहीमा एमाले विजयी,  वडामा अधिकांश कांग्रेस

जनकपुरधाम– धनुषाको औरही  गाउँपालिकामा नेकपा एमालेका उम्मेदवार विजयी भएका छन् । गाउँपालिका अध्यक्ष पदमा उमाशंकर प्रसाद साहले ३३२६ मत ल्याएर विजयी भएका हुन् भने उनका निकटतम प्रतिद्वन्द्वी नेपाली कांग्रेसका ब्रहमदेव यादव २९२३ मत ल्याएका हुन् । 

यस्तै उपाध्यक्षमा एमालेकै पुनम कुमारी साह २९४९ मत ल्याएर विजयी भएकी हुन् भने उनका निकटतम प्रतिद्वन्द्वी कांग्रेसकी रिंकि कुमारी  मण्डल २७९० मत ल्याएकी हुन् । 

---

यस्तै वडा नं १ मा कांग्रेसका आशेश्वर यादव, २ मा किसुन यादव, ३ मा गंगा प्रसाद यादव, ४ मा जीनीसलाल मण्डल, ५ मा जसपाका सरोज कुमार मण्डल र ६ मा शंकर प्रसाद साह निर्वाचित भएका हुन् ।